Wednesday, 13 December 2017

ONE DAY TOO LATE!!!!



"Sanâ hian a ban vei a ṭhulh lova, Nî pawhin a chhuah hun a theihnghilh ngai lo. Hun hi engtik lai pawhin a liam reng a, kan tun hun pawh hi engtikah mah kan tawn leh ngai tawh lo turin a liam mek anih hi."


He Skillet hla hi an vocalist John Cooper chuan a phuah chhan hetiang hian a sawi “kan album tur atan hla te ziak in hun tam tak ka hmagral a, kum hial a tling. Kan album hnuhnung Comatose kha a hlawhtling êm avangin a dawt leh atan hian pressure a sang hle a, a hma ami a phak loh hlau in ka theihtawp ka chhuah a ni.”

“Show hrang hrang nei in kan zinkual a, tour kan neih loh kar ah hla dang ziak in kan hun ka hmang bawk a, a tawp ah chuan ka châu ta hle mai.

Tichuan, ka in ngaihtuah chiang a, ka nuna ka thil tih duh angte ka tih loh hnem zia ka hrechhuak a, ka nupui fanau te zinga hun ka hman tlêm zia te ka inhmu chhuak a, an tan Pa sûal tak nilo mahila antan Pa ṭha tia sawi tur ka nih loh dan ka inhre chhuak bawk. Khatih hunlai khan lo thi ta ila, ka nun ka enlet in ka hun kalta ah khan ka thil tih ṭhat lam aiin 'he thil chu thlak danglam deuh atan ka va duh em'? tia inchhirna tur ka neite ka in zawt a, chutiang aṭanga chuan he hla hi ka rawn ziak ta a ni” tiin a sawi.


Ni e, kan nûnna hi buaina leh hmelma nei reng chunga hmanral tur atan chuan a rêi lo mah mah ani. Naktuk hian enge a rawn her chhuah pui ang kan hre si lova, kan vawiin hun hi kan tawpna ni tur lo ni tase, kan nun enlêt in kan tih tur kan tih hmaih ava tam dawn em!! Ringtu nunah pawh chutiang chu a ni, Bible chuan 'inringreng a awm turin' min chah a, mahse inring lai te hi kan nei reng reng em le? A thupek pakhat lek 'hmelma te hmangaih rawh' tih te pawh hi ngaihdam leh ṭawngṭai sak chu sawi loh hmelmâ kan insiam belh zel zawk a ni hial lo maw?

Mahse, kan tawpna ni chu 'thlasik anga khel lo in' ala rawn thleng ngei dawn a. Kan inpeih chu ava ngai si em!! Kan nu leh pa, u leh nau, chhungte mangṭha hman lova thihna kutvawt in min nan hun ah chuan tun a an laka kan ṭawngkam hman thin te hi, an hneh a kan ṭawngkam hman hnuhnung ber tur ni ta se kan duh angem? Chuvangin, vawiin hun hi i hmang tha ang u, vawiin hian thil tha a tam thei ang ber tih tum ila, thawkrim lehzual ila. Hun kal tawh thil tha lo te theihnghilh in, ngaihdamna nen vawiin hun hmang tawh zawk ang u, a chhan chu NAKTUK HI A TLÂI LUTUK TAWH MAITHEI .


“Tick tock, hear the clock countdown
Wish the minute hand could be rewound
So much to do and so much I need to say
Will tomorrow be too late?
Feel the moment slip into the past
Like sand through an hourglass
In the madness, I guess, I just forget
To do all the things I said
Time passes by, never thought I'd wind up
One step behind, now I've made my mind up
Today, I'm gonna try a little harder
Gonna make every minute last longer
Gonna learn to forgive and forget
'Cause we don't have long, gonna make the most of it
Today, I'm gonna love my enemies
Reach out to somebody who needs me
Make a change, make the world a better place
'Cause tomorrow could be one day too late
One day too late, one day too late
Tick tock, hear my life pass by
I can't erase and I can't rewind
Of all the things I regret the most I do
Wish I'd spent more time with you
Here's my chance for a new beginning
I saved the best for a better ending
In the end I'll make it up to you
You'll see, you'll get the very best of me”

Monday, 11 December 2017

ZUGUNRUHE





“Thil kalphung a in thlak danglam hian, 
 Species țhenkhat chuan awm hmun sawn a țul in an hre țhin a, 
 Chutiang chu 'Zugunruhe' anti țhin ani. 
 Ramdang hmun hla taka awm hmun khuar, 
 Boruaka an rîm hriat an awm umzui a, van a arsi te an zui a.
 Hmun hran hran a awm an chipui te hneh ah inralring a, in hawrkhawm turin an hrilh țhin ani.
 Chutiang chauh chuan an hma hun a,
 Boruak rawn inthlak danglam tur chu an paltlang thei dawn ani.”

Mihring nun a hmelma alo kal hian, a châng hi chuan hmachhawn nghal mai lova tlanchhiat san angaih hun a awm țhin a. Hmelma chu a kal kiang hun nghah emaw tlanbo san mai hi dam khawchhuah na awmchhun anih châng a awm țhin. A chhan chu chak reng tur a duan kan ni si lova...

Friday, 1 December 2017

LOST LAND OF OPHIR




                Bible a Israelte Lal ropui tak Solomona vânglai khan, khawvel a Lal dang zawng zawng te chu hausak leh finna ah a khum vek thu kan hmu a, kum thum dan zel ah rangkachak te, tangkarua te, saingho, ar-awn leh zawng te, tuikeplung te leh algum thing danglam bik tak te chu Tarsis lawng rual hmangin, a Lalram ah a chhêk lut ṭhin tih kan hmu bawk. (1 Lalte 10:22)

               Solomona kha a fînna leh hausakna avang khan khawvel lal tam takin amah belchiang tur leh Pathian in a pek finna te belchiang tur khan an pan huai huai ṭhin thu ka hmu tel bawk a (Seba lalnu ang te); chutah chuan lawmman atan thil pek tam tak a dawn belh nasat thu kan hmu bawk. Hetih rual hian a ropuina leh a hausak tehna ber pakhat rangkachak a ngah em em na kha, Ophir tih hmun aṭanga a lakluh nasat êm vang ani a tih theih (2Chronicle 9:10/1 Lalte 9:28). Ophir rangkachak chungchang hi Bible ah Chronicles, Lalte, Joba, Sam leh Isaia ah te ziah lan a ni a. Tûra Lal Hurama I leh Solomona khan an chhiahhlawhte chu Ophir hmun ah lawng hmangin rangkachak phur tur an tir ṭhin a, a kum bî in rangkachak leh thil hlu chi hrang hrang Solomona khan a dawng ṭeuh ṭhin a ni.

               Ophir hi eng hmun chiah nge anih a, hetiang tak a rangkachak leh lunghlu te bakah 'algum thing' a hunlai a Judai ram a la lut ngai loh leh anla hmuh ngai loh, a ram aṭanga pawh a lakchhuah ni leh ta miah lo khawp a 'thing' hlu bik te hi, he Ophir hmun ami hi a ni si a?

1 Chronicles : 1 ah khan Joktana fapa te ho zinga pathum Sheba, Ophir leh Havilah te kan hmu a, heng a fapa pathum te hian thawnthu kal zel an nei a, Bible ah hmu chiah tawh lo mahila Arabic thawnthu hlui Kitab al-Magall ah chuan Joktana nau Pelega fapa (Genesis 11:18) Reuva hunlai khan Sheba lal a hming "Pharoah" chuan Ophir leh Havilah ram te chu a ram ah a chhuh lui a, Ophir ram tlangpang leh lung awm zawng zawng te chu rangkachak vek anih thu a tarlan ani a, rangkachak khawpui a din ani. Syria ho thawnthu 'Cave of Treasure' tih ah leh "Conflict of Adam and Eve with Satan" tih Ethiopia ho thawnthu aṭang te in Ophir hmun a lung awm zawng zawng te chu rangkachak hlang (pure gold) vek annih thu tarlang a ni ve bawk.

Tin, kum 1946 khan Tell Qasile tun a Tel Aviv (Israel) ni ta ah khuan kum zabi pariatna hunlai vel a thil inziak an lai chhuak hlauh a, chutah chuan Hebrai ṭawngin Ophir hmun leh rangkachak in thawnna kual dan chungchang te ziah lanna chu hmuh chhuah a ni ta bawk, mahse Ophir hi khawi hmun ah nge a awm chiah tih hi tun thlengin tuman an la hrechhuak zo lo a ni.

Archaeologist te leh Bible zirmi scholar te chuan Ophir awmna dik tak zawn chhuah tumin ngaihdan leh rilru pawh an seng nasa tawh a. Tuifinriat a sea route hmuchhuaktu Vasco da Gamma hnungzuitu Tomè Lópes chuan Africa ram a Great Zimbabwe vel chu Ophir hmun anih thu a sawi mauh mai, Zimbabwe hi Africa ah chuan renaissance hunlai rangkachak a an insumdawn tawnna hmun lûn tak a ni a. Lal Solomona pawh kha he hmunah hian a cheng ṭhin niin a ngai bawk ani. Tin, Africa a tuipui sen (Red Sea) Gulf of Aqaba hi Solomona lawng rual te ho chawlhna hmun ni a rin ani bawk a, chuta chuan khawi lam ah nge lawng ang kal tak ang tih hriat theih ani chuang lo, North Africa ami Tunisia te, America khawmualpui Peru ami Yucatan te, Asia ah India leh Sri Lanka te thlengin Ophir hmun awmna hi rinthu in sawi a ni a. Mahse a eng amah thudik tak ani tih nem nghehna leh hriat theihna hnu hma hmun tur tak tak a awm chuang lo.

Bible in a Ophir a sawi hi he khawvel ah hian ala awm angem? tih hi zawhna lian tak ani a, nge Atlantis ang hian tuifinriat mawng lamah a awm tawh zawk? Tichuan, OPHIR hi Bible thu inziak chhuichhuah theih loh tam tak zinga pakhat ani ta reng a ni.