BULLET ANT TEST!!!

👉 “Inhlanna leh tâwrhna tak tak paltlang loh chuan MIPA dik tak anih theih loh” 👈

Khawvel hnam hrang hrang te hi sakhua na leh culture a zirin, tihdan phung leh rindan mak tak tak hi kan lo nei nasa hlawm khawp mai.

Amazon ramngaw chhah taka awm hnam mawl chikhat Sateré-Mawé tribe te pawh hian puithúna mak tak mai an nei a, mipa naupang rawn puitling tur kum 12 chin chunglam ho chu 'mipa dik tak' a ni tih finfiahna turin 'fiahna hautak zet' (initiation rites) an paltlang angai țhin.

               Khawvel a fanghmir seh/zuk nâ ber ni hial an sawi, a scientific name "Paraponera clavata" a seh a nat êm avanga silai a kah nen thuhmun hial a an tehkhin fo, a common atana "Bullet Ants" an tih te chu ramhnuai ami va man khawmin, hnim hnah chikhat tui nen an chawhpawlh ah an dah a, chu hnim hnah chuan fanghrim te chu ti rûi in unconscious in a awm tir a, chung fanghmir nikhaw hrelo a awm te chu a bik tak a an siam kutkawr (gloves), hnah chikhat hnâng ang deuh a an tah ah chuan a mawng lam (zuk na lam) chhunglam ah dahin chhuak thei si lovin, an chilh bet ta tlat a.

              Fanghmir nikhaw hrelo awm te an rawn harh fel hnu chuan chung mipa naupang te kut pahnih chu, an gloves siam chhunga fanghmir thinrim tam tak ten duhtawk a an lo seh tur atan an va rawlh lut ta țhin a, minute 5 chhungin chu dâwi hla chham pahin an lam pui ta țhin a ni.

             Hetiang an paltlang theih chuan mipa dik tak angin an hnam zinga chhiar ani ve chauh țhin, Sateré-Mawé hnam mawl ho zinga an hotupa (Chief) chuan “mipa chu inhlanna, tawrhna leh natna te an thunun theih hunah chauh mipa diktak ah chhiar ani țhin” tiin an ritual pawimawh em em chungchang hi a sawi a ni.

             Paraponera clavata hi insect zinga mi zuk/seh na ber pawl ani a, South America rama Honduras 🇭🇳 leh Brazil 🇧🇷 vel bawr ah te an awm ber a, an venom hi a chak em avangin mal khat in mihring a zuk pawhin nilengin na an tawrh avangin "24-hour ant" tih te pawn an sawi țhin.

Mihring kut a seh tirh chuan hunrei lo te chung an kut chu che thei lovin a zeng a, a hnu ah nasa takin a khûr (shake) a, meisa a kang ang hial ten a awm bakah unconscious leh hallucination nen sawifiah phahbaka nâ a tawrh tir zui țhin. Scientist țhenkhat ten mihring in nâ tawrh theih zat chhutna 'pain scale' an siam (1 - 5) ah pawh 4+ lai a hawlh pha a, mihring a immune system nei chhe zual deuh te chu nâ tuar zo lovin a thih phah theih hial niin an sawi bawk.

“Tawrhchhel na pawh hi huaisenna chikhat chu ani ngei mai, mahse chhia leh țha hriatna ațanga hlauhawm leh hrehawm hrechiang hmasa phawt a, tuar chhel te hi mi huaisen te chu anni”

The Dark River of Tuonela

Mângchhia mai ni se, zan thim hi a ral ang em?

Nge? Mihring hi kan ral zawk ang?

Hlimthla chuan a chelh tlat si a, hlauhna a pung a, thim pawh a chhah leh zual ani.

Thim Lal thiltihtheihna chu hringmi ah do zo rêng an awm em ni?

Ngaihruat khawvel ah chuan he thlarau rethei hi a vakvai a, thim chhah lam chu a hnaih a, mithi khaw lam chu a pan hret hret a ni, a kawng kawh hmuh turin ênna rêng a awm si lo.

Zan thla êng lo lan chuan beisei na a keng tel a, mahse chhûm dum alo kir in beiseina a lem zo țhin.

Ruam thûk tak te chu atan țhian țha an ni a,

Ramngaw pilril ațanga Chinghnia țihbaiawm aû ri chu rîmawi beng a cham awm chhung ani.

Khawpui alo rikin thihna dâr ri entir tu a ni a, ruahtui pawh thihna luipui ti zau tu mai a ni.

Rilru chuan nasa takin a bei let a, mahse taksa a châu si a.

Thlasik vur avangin a khawng zova, thisen luang te pawh a khal zo ta.

Hriatna mit in țangkaina a nei lova, fiahna reng a nei tawh lo.

Mit naute a khup zo a, vakvai turin a chawl hlen ta.

Nâ tuar au rawl chuan Van a thleng phak lova, tuifinriat mawng a "Tounela" lam chu.

Pathian kalsan ram ata tunge tal chhuak thei ang?

Rûl angchhê dawng chu kan zui mai dawn em ni?

Kum khua atana sualna ani si a.