American serial film Spartacus kha historical drama ah chuan a hmuhnawm ber pawl ani a, Game of Throne leh Vikings te pawh kan hria anga anni pawh hi historical serial movie ah chuan en hlawh ber pawl anni. Spartacus series hi Steven S. DeKnight a siam ania, an chân na hmun hi New Zealand ram ani. American film ni mahse a changtu zing a US mi leh sa chu pali chiah an ni a, actor tam zawk hi chu Australian leh New Zealand mi an ni.
Spartacus series hi season 4 a awm a, 'Blood and Sand' kha a serial hmasa ber a ni a. 'Gods of the Arena' hi pahnih na niin a pathum na 'Vengeance'' leh a final season 'War of the Damned' te an ni. Blood and Sand hi a season hmasa ber ni mahse Gods of the Arena zawk hi a storyline ah chuan a hmasa zawk a mahse an châng hnuhnung zawk thung. Gods of the Arena ah hian a changtupa Spartacus rawn lang ve hma a, Batiatus a in (ludus) leh Capua khawpui chungchang a vel ani a. 'Blood and Sand' kha Spartacus rawn lang țan na ani ve thun a. Vengeance leh War of the Damned hi capua ațanga zalenna a sual chhuah hnu ah Rome sorkar nen an inbeih chhoh dan chanchin ani thung.
Spartacus series pumpui ah hian a changtupa hming tak hi sawi lan awm miah lova, Spartacus tih hi chu gladiator anih dawn a, an phuah chawp sak mai mai ani. A season hmasa ber a Spartacus role play tu changtupa ber Andy Whitfield kha thisen cancer vangin Blood and Sand an release hnu lawkin a thi a, Gods of the Arena ah Spartacus role a awm lova Vengeance leh War of the Damned ah khan Australian actor Liam McIntyre in a thlak. Andy Whitfield thlak tu tur an zawn lai hian actor hrang² zingah Prison Break star Wentworth Miller pawh a larsang ber pawl ani.
Spartacus hi mak ve mai² chu historian ten an chhuina ah chuan Spartacus kha BC.71 ah khan kum 38-40 inkar vel anih in an thi niin an sawi a, he movie a changtupa Andy Whitfield kha kum 39 anih in a thi ve chiah² ani. Tin, orgy scene ah hian New Zealand sexual professional company te chu producer te hian an hire tawp a, sex scene ah anni ho hian a buaipui ber ani. War of the Damned a final episode ah khan a changtupa kha a thih dan leh a thlan te an lantir a mhse a thawnthu tak² ah chuan Spartacus kha a thih in a ruang an hmu zui tawh lo hrim hrim ani. Spartacus hi a film editor ten cast tur te an thlang thiam a, an body leh physical fitness a țha hle tih a hriat a. Arena a in fight pawh a hmuhnawm in mit a tlai hle, mi tam tak sawisel na ber pakhat chu sex scene tam lutuk kha anih a rinawm a mahse a hunlai Rome dinhmun tak tak a rawn pholang zawk niin a lang, movie ti hlu tu leh marketing lamah pawh an hralh țhat phahna pawh ani chiang mai.
No comments:
Post a Comment