ZANLAI THLIFIM

＾＾

He hla hi Lallianmawia Pachuau in kum 1983 October thla tir lam khan, Kawrthah khua a zirtirtu hna a thawh lai a phuah ania a. A nupui nen a an inngaihzawn lai a, khaw karhla taka an awm vanga a lunglên zia a phuah na hla a ni. Zanlai thlifim hi love song ah chuan nalh ka ti ve pawl tak ani a, a phuahtu dinhmun leh a lunglen dan ngaihtuah phei chuan a hla thu te hi a rîl hle mai. 

“Chhawrhthlapui zankal vangkhua en tu,
A lo herchhuak lenkawlah;
Zalengtin tualchai an nui za e,
Mahte’n runkhawhar ka nghah lain.”

A châng khâtna en hian October thla zan thla eng ber lai ani hmel a, 'zankal vangkhua en tu' ti a chhawrthlapui a rawn sawifiah nghal te hian hla phuah a thiamzia a tarlang a... midangte chu hlim tak a an awmlai ani erawh chu amahin in ah a ngaihzawng ngai in chu zan thla en mawi tak mai chu alo thlir ve vauh vuah a.

“Zanlai thlifim aw ka ‘D’ te khan,
Palai iangin a lo tir che maw;
Kipte’n min hlan la biahthu ‘D’ zawng,
Duhten ka lo ngaithla e.”

Chutiang a lunglen tak a awmlai chuan thlifim a rawn thaw heuh² mai a, chu chuan a suangtuahna a kai her a, chu a suangtuahna chuan, zan thlifim chu a bialnu khan thu engemaw tal a rawn chah ngei in a ngai a, chu a thu rawn chah chu an inkar palai anga a beng bul a zawite tal a sawi turin a au chhuahpui a..

“Suihlunglen tuar har ka vei nang e
Lem ang min der lul lo la,
Nakin sirah min hnawl dawn ai chuan
Tunah min hrilh rawh i dawn lungruk”

Chutia lunglen taka a awmlai pawh chuan a suangtuahna chuan kil tin a dap a... 'a bialnu chuan a duh tak² a ngem, nge dawt hrilh in a ngaihzawng der mai² zawk ni ang?? ti te in a ngaihtuah a... Nakin a min duh leh lova, mi dang min neihsan leh chuan na ka ti lutuk ang a, ka tuarchhuak zo lo palh ang e, chutianga min tih dawn ai chuan, tunah hian i rilru tak tak chu min hrilh rawh a ti ta thlawt a ni.

“Thal romei leh rengchal ngirte hian,
Keizawng suihlung min len e;
Nichhun awm har leh zantlaiah pawh,
‘D’ ngaih puan ang ka bang ve si lo.” 
A phuahtu Lm-a hi lunglen la nâ ve ngang ani tur ani (kei âng lo takin :-p) . chhûn ah a han hawi kual vel a, tlang pan leh phai ruam ah te romei a zam paw chiai a, chu chuan a lunglenna a kai tho thar em em țhin, chutihlai kar a thereng leh ngirtling zai ri te chuan a lunglen a belhchhah a.. zan ah lah thla êng tak chuan a lunglen zual tir bawk nen, a tan chuan a bialnu ngai a lunglen chu chhûn leh zan in a ni ber mai...

“ ‘D’ ngaihlai an khawtlang lunglen hi,
A nem billo kan tawnah;
Khuahmun len loh zawng a pawi thin e,
Mahse tawnni her na ngai an ti.” 
Khuahmun loh ‘D’ neih hrehawmzia chu a tawng ve lo te hriat phak a ni lova, sawi a fiah thei a ni hek lo. “Khuahmun ‘D’ mah ngaih a na a (lolz)... he hla phuahtu hian khua hmuna an lenglo chu pawi a ti em em a, chu chuan 'khawtlang lunglen' kan tih ang hi a neih tir bawk a, a tan chuan full time a lunglen ani ber mai awm e... mahse a bei erawh ti dawng duh bik mai lovin, Tawn lehni a her ngeiin a ring a, “Mahse tawnni her na ngai an ti,” tiin beiseina sang tak in a in hnem ta ngawt mai a ni.
--------------------------------------------------------------------------------------------------------------------------------------------